Тармақ 1. Салық төлеушi салық салу мақсатында бухгалтерлiк есептi жүзеге асыру шартымен негiзгi құрал-жабдықтарға дербес қайта бағалау жүргiзуге құқылы. Бұл ретте, салық салу мақсатында қолданылатын негiзгi құрал-жабдықтар құнының арту индексi бухгалтерлiк есепте тиiстi негiзгi құрал-жабдықтарға қайта бағалауды жүзеге асыру кезiнде пайдаланылған коэффициенттерден артып кетпеуге тиiс. 2. <*> 3. Негiзгi құралдарды қосымша бағалау сомасына 15 процент ставка бойынша табыс салығы салынады. Табыс салығын төлеу қосымша бағалау жүргiзiлген айдан кейiнгi айдың ішінде жүргiзіледі. 4. Қосымша бағалау нәтижесiнде есептелген амортизациялық аударымдарды шегерiмдерге жатқызудан салық төлеушi есептi кезеңнiң iшiнде шеккен зиян салық салу мақсатында есепке алынбайды. 5. Табиғи монополистердiң негiзгi құрал-жабдықтарды қайта бағалау табиғи монополиялар субъектiлерiнiң қызметiн реттеушi уәкiлеттi мемлекеттiк органның келiсiмi бойынша жүргiзiледi. 6. Құрылысы Қазақстан Республикасының мемлекеттiк (үкiметтiк) кепiлдiгiмен қамтамасыз етiлген заем қаражатымен жүзеге асырылған, үйлердiң құнын шетелдiк валютада терiс бағамдық айырмашылық сомасына қайта бағалау сомасы салық төлеушiнiң жиынтық жылдық табысына енгiзiлмейдi. Ескерту. Жаңа 20-8-баппен толықтырылды - Қазақстан Республикасының 1999.12.10. N 492 Заңымен. Z990492_ ЕСКЕРТУ. 20-8 бап өзгерді - Қазақстан Республикасының 2001.01.23. N 147 Заңымен. Z010147_