Тармақ 1. Жер қойнауын пайдаланушыларға салық салу келiсiм-шарттардың негiзгi түрлерiне қарай мынадай екi үлгiге бөлiнедi: 1) бiрiншi үлгi жер қойнауын пайдаланушылардың Қазақстан Республикасының заң актiлерiнде белгiленген салықтар мен басқа да мiндеттi төлемдердiң барлық түрлерiн төлеп отыруын көздейдi; 2) екiншi үлгi жер қойнауын пайдаланушылардың өнiмдi бөлiсу бойынша Қазақстан Республикасының үлесiн төлеуiн (беруiн), сондай-ақ салықтар мен басқа да мiндеттi төлемдердiң мынадай түрлерiн төлеуiн көздейдi: төлем көзiнен ұсталып қалатын табыс салығы мен шетелдiк заңды тұлғаның тұрақты мекемесiнiң таза табысына салынатын салықты ескере отырып, заңды тұлғалардан алынатын табыс салығы, қосылған құнға салынатын салық, бонустар, роялти, әлеуметтiк салық, заңды тұлғаларды мемлекеттiк тiркеу үшiн алынатын лицензиялық алым, жекелеген қызмет түрлерiмен айналысу құқығы үшiн алынатын алымдар, Қазақстан Республикасының заң актiлерiнде белгiленген және осы Заңның 3-бабында көзделмеген басқа да мiндеттi төлемдер.<*> 2. Салық режимiнiң бiрiншi үлгiсi келiсiм-шарттардың барлық түрлерiне белгiленедi, бұған салық режимiнiң екiншi үлгiсi белгiленетiн "Өнiмнiң бөлiнуi туралы" түрiндегi келiсiм-шарттар қосылмайды. 3. "Өнiмнiң бөлiнуi туралы" келiсiм-шарттар бойынша алынатын өнiмнiң бөлiнуi жөнiндегi Қазақстан Республикасының үлесi республикалық және жергiлiктi бюджеттердiң көзi болып табылады және кезектi жылға арналған республикалық бюджет туралы Қазақстан Республикасы заңында белгiленген мөлшерде тиiстi бюджеттердiң кiрiсiне түседi. Қазақстан Республикасының өнiмдi бөлу жөнiндегi үлесiн төлеудiң тәртiбiн Қазақстан Республикасының Үкiметi белгiлейдi. 4. Жер қойнауын пайдаланушының салық мiндеттемелерiнiң деңгейi салық режимiнiң екi үлгiсiнiң бiрi қолданылуына қарамастан тең болуға тиiс. ЕСКЕРТУ. 94-1-бап өзгертiлдi және толықтырылды - Қазақстан Республикасының 1997.12.08. N 200 Заңымен. Ескерту. 94-1-баптың 1-тармағы өзгертілді - Қазақстан Республикасының 1999.03.31. N 356 Заңымен. Z990356_ Ескерту. 94-1-бап өзгертілді - Қазақстан Республикасының 1999.11.22. N 485 Заңымен. Z990485_