Жер қойнауын пайдаланушылар үшiн салықтар мен басқа да мiндеттi төлемдер жөнiнде белгiленетiн талаптар (салық режимi) Қазақстан Республикасының заңдарында белгiленген тәртiппен жер қойнауын пайдаланушы мен Қазақстан Республикасының Үкiметi уәкiлдiк берген Құзыреттi орган арасында жер қойнауын пайдалануға жасалатын келiсiм-шарттарда айқындалады. 2. Келiсiм-шартта белгiленетiн салық режимi заңды және жеке тұлғалардың салықтар мен басқа да мiндеттi төлемдердi төлеуiн реттейтiн, келiсiм-шарт жасалған күнi қолданылып жүрген Қазақстан Республикасының заңдарына сәйкес болуға тиiс. Жер қойнауын пайдалануға бұрын жасалған келiсiм-шартты атқаруға жер қойнауын пайдаланушымен немесе оның құқықтық мұрагерiмен жаңа келiсiм-шарт жасалған жағдайда, бұрынғы келiсiм-шарттың салық режимi сол жер қойнауы учаскелерiнде жер қойнауын пайдалануға жасалатын болашақ келiсiм-шарттағы салық режимiн iшiнара немесе толық көшiру көзделген шекте ғана қолданылады. 3. Жер қойнауын пайдалануға жасалған келiсiм-шарттарды қоспағанда, салық пен төлемдер төлеуге қатысты мәселелердi лицензияларға және жер қойнауын пайдалануға байланысты басқа да актiлерге енгiзуге тыйым салынады. 4. Құрамында ұйымдар мен жеке тұлғалар бiр келiсiм-шарт бойынша қызмет атқаратын жер қойнауын пайдаланушы салық салу мақсаты жөнiнен бiртұтас салық төлеушi деп саналады және келiсiм-шартта белгiленген салықтар мен төлемдердi төлеуге мiндеттi. 5. Жер қойнауын пайдаланушылар жер қойнауын пайдалану жөнiндегi келiсiм-шарт бойынша салықтар мен төлемдердi есептеу мақсатында табыстар мен шегерiмдердi жер қойнауын пайдалану жөнiндегi аталған келiсiм-шарттың шеңберiнен тыс қызмет жөнiндегi табыстармен және шегерiмдермен бiрiктiре алмайды. Көп таралған пайдалы қазбаларды және (немесе) жер асты суларын өндiру жөнiндегi келiсiм-шарттарда пайдалы қазбалардың басқа түрлерiн өндiру көзделмеген жағдайда бұл ереже ондай келiсiм-шарттарға қолданылмайды. 5-1. Келiсiм-шартта көрсетiлмеген iлеспе пайдалы қазбаларды шығарған ретте жер қойнауын пайдаланушы олар бойынша осы Заңның 94-7-бабына сәйкес белгiленген тәртiппен төлем жүргiзедi. ЕСКЕРТУ. 94-баптың 2,5-тармақтары жаңа редакцияда - Қазақстан Республикасының 1997.12.08. N 200 Заңымен. ЕСКЕРТУ. 94-бап өзгерді - Қазақстан Республикасының 1999.07.16. N 440 Заңымен. Z990440_ Ескерту. 94-бап толықтырылды - Қазақстан Республикасының 1999.12.10. N 492 Заңымен. Z990492_