Бап 1-2 О Службе государственной охраны РК

Тармақ 1. Күзетілетін адамдар - Қазақстан Республикасының Конституциясына , Қазақстан Республикасының конституциялық заңдарына және осы Заңға сәйкес Қазақстан Республикасы Мемлекеттік күзет қызметі күзетуге жататын адамдар.

Тармақ 2. Мыналар күзетілетін адамдар болып табылады:

• 1) Қазақстан Республикасының Президенті;
• 2) Қазақстан Республикасы Парламенті Сенатының төрағасы;
• 3) Қазақстан Республикасы Парламенті Мәжілісінің төрағасы;
• 4) Қазақстан Республикасының Премьер-министрі;
• 5) Республика Президентінің зайыбы (жұбайы) және Президентпен бірге тұратын басқа да отбасы мүшелері;
• 8) Қазақстан Республикасының экс-президенті;
• 9) тізбесін Қазақстан Республикасының Президенті бекітетін Қазақстан Республикасының лауазымды адамдары;
• 10) Қазақстан Республикасының аумағында болуы кезеңінде шет мемлекеттердің, шет елдер парламенттері мен үкіметтерінің басшылары;
• 11) қауіпсіздігі Қазақстан Республикасының аумағында болуы кезеңінде Қазақстан Республикасы Президентінің немесе оның тапсыруымен Қазақстан Республикасы Президенті Әкімшілігі Басшысының өкімдері негізінде қамтамасыз етілетін халықаралық ұйымдардың басшылары мен шет мемлекеттердің өзге де адамдары.

Тармақ 3. Осы баптың 2-тармағының 2), 3), 4) тармақшаларында аталған лауазымды адамдар тең жағдайда күзетіледі.

Тармақ 4. Осы баптың 2-тармағының 1)-9) тармақшаларында аталған адамдар Қазақстан Республикасы Мемлекеттік күзет қызметінің бастығына күзетуші адамдар қызмет міндеттерін тиісінше орындамаған жағдайда оларды ауыстыруды ұсынуға құқылы.