Тармақ 1. Бiтiстiру комиссиясына, еңбек төрелiгiне қатысудан жалтаратын немесе бiтiстiру органдарының шешiмдерi орындалуының кешiктiрiлуiне кiнәлi жұмыс берушiге сот тәртiбiмен айыппұл салынады. 2. Бiтiстiру рәсiмiнiң нәтижесiнде қол жеткен келiсiм бойынша мiндеттемелердiң орындалмағаны үшiн немесе ұжымдық еңбек даулары жөнiндегi сот шешiмiнiң орындалмағаны үшiн кiнәлi жұмыс берушiге айыппұл салынады. 3. Кәсiподақтың, қызметкерлердiң басқа да өкiлдi органының талап етуi бойынша меншiк иесi ұжымдық еңбек дауының туындауына кiнәлi басшыларға қызметiнен босатуға дейiнгi ықпал ету шараларын қолдануға құқылы. 4. Осы бапта көзделген айыппұл салу туралы шешiм Қазақ КСР-iнiң Әкiмшiлiк құқық бұзушылық туралы кодексiнде белгiленген тәртiппен қабылданады.