Тармақ 1. Экономиканың басым секторларында инвестициялық жобаны iске асыру үшiн жеңiлдiктер мен преференциялардың берiлуiне инвестордың өтiнiмiн Агенттік өзi бекiткен тәртiппен қабылдайды. 2. Агенттік өтiнiм түскен күннен бастап отыз күннен аспайтын мерзiмде оның Қазақстан Республикасының тiкелей инвестицияларды мемлекеттiк қолдау туралы заңдарына сәйкестiгiне сараптама жүргiзедi. Сараптаманың нәтижелерi бойынша қабылданған шешiм туралы Агенттік инвесторға хабарлайды. 3. Оң шешiм қабылданған ретте Агенттік инвестормен бiрлесiп 60 күннен аспайтын мерзiмде келiсiм-шарт әзiрлейдi. Мемлекеттік заттай гранттар және кеден бажы бойынша жеңілдіктер беру мақсатында Агенттік тиiстi мемлекеттiк органдармен және тәуелсiз сарапшылармен бiрлесiп келiсiм-шартқа сараптама жүргiзедi. Ерекше жағдайларда Агенттік келiсiм-шарт әзiрлеу мерзiмiн ұзартуға хақылы, бiрақ ол 60 күннен аспауға тиiс. 4. Қол қойылғаннан кейiн келiсiм-шарт он бес күннiң iшiнде Агенттік белгiлеген тәртiппен және шарттармен Агенттікте тiркеледi. 5. Агенттіктiң инвестициялық өтiнiм мен келiсiм-шартқа сараптаманы ұйымдастыру және жүргiзу жөнiндегi шығындарын өтеу Агенттік белгiлеген тәртiппен инвестордың есебiнен жүзеге асырылады. Заңымен