Бап 34 О психиатрической помощи и гарантиях прав граждан при ее оказании

Тармақ 1. Психиатриялық стационарға орналастырылған пациентке оның құқықтары мен стационарда белгiленген ережелер оның өзi бiлетiн тiлде түсiндiрiлуге тиiс, бұл туралы медициналық құжаттамаға жазба жасалып, кейiннен заңды өкiлiне хабарланады.

Тармақ 2. Психиатриялық стационарда емделiп немесе тексерiлiп жатқан пациенттердiң бәрi: 1) емделу, тексерiлу, психиатриялық стационардан шығу және осы Заңмен берiлген құқықтарының сақталуы мәселелерi бойынша тiкелей бас дәрiгерге немесе бөлiмше меңгерушiсiне өтiнiш жасауға, мемлекеттiк органдар мен адвокатқа шағымдар және арыздар беруге, адвокатпен және дiни қызметшiмен оңаша кездесуге, дiни салттарды орындауға, дiни қағидаларды сақтауға;

• 2) газеттер мен журналдарды жаздырып алуға;
• 3) егер пациент 18 жасқа толмаған болса, жалпы бiлiм беретiн мектептiң немесе интеллектiлiк дамуы бұзылған балаларға арналған арнаулы мектептiң бағдарламасы бойынша бiлiм алуға;
• 4) егер пациент өндiрiстiк еңбекке қатысатын болса, еңбегiнiң мөлшерi мен сапасына сәйкес басқа азаматтармен бiрдей сыйақы алуға;
• 5) хат-хабар алысуға;
• 6) сәлемдеме, бандероль, ақша аударымдарын алуға және жiберуге;
• 7) телефонды пайдалануға;
• 8) келушiлердi қабылдауға;
• 9) ең қажеттi заттарды ұстауға және сатып алуға, өз киiмiн пайдалануға құқылы.

Тармақ 3. Газеттер мен журналды жеке жаздырып алу, байланыс қызметiн және тағысын-тағыларды пайдалану олар берiлетiн пациенттiң есебiнен немесе қайырымдылық түсiмдер есебiнен жүзеге асырылады.