Тармақ 1. Арбитраждық шешiмдi қоспағанда, соттың шешiмiн мойындаудан және орындаудан мынадай жағдайлардың бiрiнде бас тартуға болады:
Тармақ 1. 1 егер шешiм шығарылған Шарттасушы Тараптың ұлттық заңдылығына сәйкес бұл шешiм заңдық күшiне енбесе және орындауға жатқызылмаса;
Тармақ 1. 2 егер шешiмдi мойындау және орындау туралы құзаухат жазылған Шарттасушы Тараптың ұлттық заңдылығына сәйкес iс сұрау салынып отырған Шарттасушы Тарап сотының түбегейлi құзыретiне кiретiн болса;
Тармақ 1. 3 егер Шарттасушы Тараптың ұлттық заңдылығына сәйкес оның шешiм қабылдаған мекемесi iске қатыспаса, сотқа шақырту жөнiнде хабар берiлмесе немесе оның әрекет қабiлетi болмаса, тиiстi өкiлi келмей қалса;
Тармақ 1. 4 егер осы тараптардың арасындағы құқықтық дау-дамай бойынша сұрау салынып отырған Шарттасушы Тараптың соты заңдық күшiне енген, немесе қаралу дәрежесiндегi, немесе осы iс бойынша шығарылған үшiншi мемлекеттiң шешiмiмен заңдық күшiне енген мойындалған шешiм қабылдаса.
Тармақ 2. Арбитраж шешiмiн мойындаудан бас тарту мүмкiн, егер:
Тармақ 2. 1 шешiмдi орындауға тиiс Шарттасушы Тараптың заңы бойынша мұндай iс арбитраждық қараудың заты болып табылмаса;
Тармақ 2. 2 арбитраждық келiсiмнiң немесе шарттағы арбитраждық қағидаттың жағдайында көзделмеген немесе қамтылмаған дау-дамай жөнiнде арбитраждық шешiм шығарылса;
Тармақ 2. 3 арбитраждық соттың құрамы тараптардың келiсiмiне, не шарттағы арбитраждық қағидаттарға сәйкес келмесе, немесе арбитраж төрелiгi өткен мемлекеттiң заңына сәйкес келмесе;
Тармақ 2. 4 тараптар арбитрды тағайындау туралы, немесе арбитраждық іс қарау жөнiнде тиiстi түрде хабардар етiлмесе.