Тармақ 1. Шарттасушы Тарап өзге Шарттасушы Тараптың талабы негiзiнде сол Шарттасушы Тарап аумағынан қылмыстық жолмен алынған ақша мен материалдық байлықты оған беруге тиiс, алайда мұндай әрекет Шарттасушы Тараптың немесе үшiншi тұлғаның осы қазына-байлыққа құқығына нұқсан келтiруге тиiс емес.
Тармақ 2. Егер жоғарыда көрсетiлген ақша мен өзге материалдық байлықтар сұрау салынған Шарттасушы Тарап аумағында басқа да шешiлмеген қылмыстық істер бойынша соттың іс қарауын өткiзу үшiн қажет болған жағдайда, осы Шарттасушы Тарап оларды берудi уақытша тоқтата тұруы мүмкін.