Тармақ 1. Уағдаласушы Мемлекеттің кәсіпорны халықаралық тасымалда теңіз, немесе әуе кемелерін пайдаланудан алған пайдаға осы Мемлекетте ғана салық салынады.
Тармақ 2. Уағдаласушы Мемлекеттің кәсіпорны тауарларды немесе бұйымдарды тасымалдау үшін пайдаланылатын контейнерлерді (соның ішінде трейлерді, баржаларды және контейнерлерді тасымалдауға байланысты жабдықтарды) пайдаланудан, ұстаудан немесе жалға беруден алған пайдаға, егер контейнерлер тек қана басқа Уағдаласушы Мемлекетте пайдаланылмайтын болса осы Уағдаласушы Мемлекетте ғана салық салынады.
Тармақ 3. Осы баптың мақсаты үшін халықаралық тасымалда теңіз және әуе көліктерін пайдалануға байланысты құралдарға арналған проценттер осындай теңіз және әуе көліктерін пайдаланудан алынған пайда ретінде саналады және ІІ-баптың ережелері мұндай проценттерге байланысты пайдаланылмайды. Дегенмен, осы баптың ережелері банктің жедел депозиттері бойынша проценттерге қолданылмайды.
Тармақ 4. 1-тармақтың ережелері сондай-ақ пулға, бірлескен кәсіпорынға немесе көлік құралдарын пайдалану жөніндегі халықаралық ұйымғақатысудан алынған пайдаға да қолданылады.