Тармақ 1. Консулдық мекеменiң қызметкерлерi сот және әкiмшiлiк iстерiн талқылауда куәлардың жауабын беру үшiн шақырылуы мүмкiн. Консулдық мекеменiң қызметкерi немесе қызмет көрсетушi персоналдың жұмысшысы осы баптың 3-тармағында көрсетiлген жағдайлардан басқасы, куәлардың жауабын беруден бас тарта алмайды. Егер консулдық қызмет адамы куәлардың жауабын беруден бас тартса оған ешқандай да ерiксiз шаралар немесе басқа санкциялар қолданыла алмайды.
Тармақ 2. Консулдық қызмет адамының куәлардың жауабын беруiне талап ететiн өкiмет орындары оның өз мiндеттерiн орындауға кедергi келтiрмеуi тиiс. Бұл өкiмет орындарының мүмкiндiгiнше сондай-ақ осы консулдық қызмет адамының тұратын мекен-жайы бойынша немесе консулдық мекеме тыңдауына немесе жазбаша көрсетулердi қабылдауына болады.
Тармақ 3. Консулдық мекеменiң қызметкерлерi өздерiнiң мiндеттерiн орындауға қатысты куәлардың жауабын беруге немесе осыған қатысты ресми хат-хабарлар мен құжаттарды көрсетуге мiндеттi емес. Олар сондай-ақ өкiлдiгiн жiберген мемлекеттiң ұлттық заңдарына қатысты сарапшылар ретiнде куәлардың жауабын беруден бас тарта алады.