Тармақ 1. Өкiлiн жiберген мемлекет консулдық басшысының тағайындалғаны туралы консулдық орналасқан мемлекеттiң Сыртқы iстер министрлiгiн хабардар етедi және оған өмiрбаянымен берген консулдық патент немесе басқа тиiстi құжат жолдайды.
Тармақ 2. Патентте консулдық мекеме басшысының толық есiмi мен фамилиясы, азаматтығы, атқаратын қызметi, консулдық округ және консулдық мекеменiң орналасқан жерi көрсетiледi.
Тармақ 3. Жоғарыда аталған формалдықтарды орындағаннан кейiн консулдық орналасқан мемлекет оған экзекватураны немесе кез келген басқа формадағы рұқсатты тегiн бередi. Экзекватура немесе рұқсат бергенге дейiн консулдық орналасқан мемлекет консулдық мекеменiң басшысын өз мiндеттерiн орындауға кiрiсуiне уақытша рұқсат етiп, оған осы Конвенцияның ережелерiнде көзделген артықшылықтарды қолдана алады.
Тармақ 4. Алайда консулдық орналасқан мемлекет, өз шешiмiнiң себептерiн түсiндiруге мiндеттi болмастан, экзекватура немесе басқа рұқсат беруден бас тарта алады.