Тармақ 1. Iрi мәмiле жасасуда осы Заңда көзделген талаптарды сақтамау қоғаммен мәмiле жасасушы тұлға адал iс-әрекет жасаған және аталған талаптарды қоғамның сақтамағандығы туралы бiлмеген немесе мүлде бiлуге тиiс болмаған жағдайларды қоспағанда, осы мәмiленiң жарамсыздығына әкеп соғады. 2. Iрi мәмiленi жарамсыз деп тану туралы талапты кез келген мүдделi тұлғалар қоя алады. 3. Осы Заңда және қоғамның жарғысында белгiленген талаптарды бұза отырып қасақана iрi мәмiле жасасқан адамның мәмiленi жарамсыз деп тануды талап етуге, егер мұндай талап бас пайдасын көздеу себебiмен немесе жауапкершiлiктен жалтару ниетiнен туындаса, хақы жоқ.