Тармақ 1. Уағдаласушы Мемлекеттiң кәсiпорны теңiз немесе әуе кемелерiн халықаралық тасымалда пайдаланудан алған пайдаға осы Мемлекетте ғана салық салынады. Мұндай пайда кәсiпорынның теңiз немесе әуе кемелерiн халықаралық тасымалда пайдалануға қарағанда қосалқы қызметтен алған табысын қамтиды. 2. Егер теңiз тасымалдары кәсiпорнының тиiмдi басқару орны кеменiң бортында орналасқан болса, онда ол кеме бекiтiлген порт орналасқан Уағдаласушы Мемлекетте немесе, егер мұндай бекiтiлген порт жоқ болса, теңiз кемесiнiң операторы резидентi болып табылатын Уағдаласушы Мемлекетте орналасқан болып есептеледi. 3. 1-тармақтың ережелерi сондай-ақ пулға, бiрлескен кәсiпорынға немесе халықаралық операциялық агенттiкке қатысудан алынған пайдаға да қолданылады.