Бiр Уағдаласушы Мемлекет резидентiнiң 6-бапта айтылған және екiншi Уағдаласушы Мемлекетте орналасқан жылжымайтын мүлiктi шеттетуден алған табыстарына осы басқа Мемлекетте салық салынуы мүмкiн. 2. Бiр Уағдаласушы Мемлекет резидентiнiң: а) ресми түрде танылған Қор Биржасында котировкадан өткен, құнының үлкен бөлiгi екiншi Уағдаласушы Мемлекетте орналасқан жылжымайтын мүлiк құнымен байланысты акциялардан өзге акцияларды, немесе b) активтерi, ең бастысы, басқа Уағдаласушы Мемлекетте орналасқан жылжымайтын мүлiктi қамтитын әрiптестiктегi үлестi шеттетуден алған табысқа, осы басқа Мемлекетте салық салынуы мүмкiн. 3. Уағдаласушы Мемлекеттiң кәсiпорыны басқа бiр Уағдаласушы Мемлекетте иеленiп отырған тұрақты мекеменiң кәсiпкерлiк мүлкiнiң бiр бөлiгiн құрайтын жылжымалы мүлiктi шеттетуден немесе осындай тұрақты мекеменi (жекелей немесе барлық кәсiпорындармен бiрге) немесе осындай тұрақты базаны шеттетуден алынған табыстарды қоса алғанда, Уағдаласушы Мемлекеттiң резиденті тәуелсіз жеке қызметтер көрсету мақсаттары үшiн екiнші Уағдаласушы Мемлекет иелiк етiп отырған тұрақты базаға тиесiлi жылжымалы мүлiктен алынатын табыстарға осы екiншi Мемлекетте салық салынуы мүмкiн. 4. Кәсiпорынның халықаралық тасымалдауларда пайдаланатын теңiз немесе әуе кемелерiн немесе осындай теңiз немесе әуе кемелерiн пайдалануға қатысты жылжымалы мүлiктi шеттетуден алған табыстарға кәсiпорынның нақты басқару орны орналасқан Уағдаласушы Мемлекетте ғана салық салынады. 5. Өткен тармақтарда айтылған мүлiк түрлерiн одан өзге кез-келген мүлiктi шеттетуден алынатын табыстарға мүлiктi шеттетушi тұлға резидентi болып табылатын Уағдаласушы Мемлекетте ғана салық салуға жатады.