Тармақ 1. 16, 18, 19 және 20-баптардың ережелерiн ескере отырып, бiр Уағдаласушы Мемлекеттiң резидентi жалдау бойынша жұмысқа байланысты алған жалақыға және басқа да ұқсас сыйақы түрлерiне, егер осындай жалдау бойынша жұмыс басқа Уағдаласушы Мемлекетте орындалмаса, тек осы Мемлекетте ғана салық салуға жатады. Егер жалдау бойынша жұмыс осылайша орындалған болса, осындай жұмыстарға байланысты алынған сыйақының сомасына осы Мемлекетте салық салынады. 2. 1-тармақтың ережелерiне тәуелсiз, басқа бiр Уағдаласушы Мемлекетте орындалатын жалдау бойынша жұмысқа қатысты Уағдаласушы Мемлекеттiң резидентi алған сыйақыға тек алғашқы аталған Мемлекетте ғана салық салынады, егер: а) алушы кез-келген 12 айлық кезеңде жалпы жиыны 183 күннен аспайтын кезең немесе кезеңдер бойы басқа Мемлекетте тұрып жатса, және b) сыйақыны басқа Мемлекеттiң резидентi болып табылмайтын жалдаушы немесе жалдаушының атынан төлесе, және с) жалдаушының басқа Мемлекетте ие болып отырған тұрақты мекемесi немесе тұрақты базасы болса, сыйақыны төлеу бойынша шығындарға ұшырамайды. 3. Осы Баптың осының алдындағы ережелерiне тәуелсiз халықаралық тасымалдар кезiндегi пайдаланылатын теңiз немесе әуе көлiгiнiң бортында атқарылатын жалдау бойынша жұмысқа қатысты алынған сыйақының сомасына кәсiпорынның нақты басшылығының орыны орналасқан сол Уағдаласушы Мемлекетте салық салынуы мүмкін.