Тармақ 1. Қазақстан жағдайында қосарланған салық салуды болдырмау мынадай түрде жүргiзiледi: а) Егер, Қазақстанның резидентi осы Конвенцияның ережелерiне сәйкес Бельгияда салық салынуы мүмкiн табыс алған немесе капиталды иеленген жағдайда, Қазақстан: (i) осы резиденттiң табысының сомасына салынатын салықтан Бельгияда төленетiн табыс салығының сомасына тең соманы шегерiп тастау ретiнде; (ii) осы резиденттiң капиталына салынатын салықтан Бельгияда төленетiн капиталға салынатын салық сомасына тең соманы шегерiп тастау ретiнде рұқсат бередi. Мұндай шегерiмнiң сомасы кез-келген жағдайда қолданылып жүрген соңғы ставкалар бойынша Қазақстандағы сондай табысқа немесе капиталға айқындалған салық сомасынан аспайтын болады. b) Егер, Қазақстанның резидентi осы Конвенцияның ережелерiне сәйкес тек Бельгияда ғана салық салынатын табыс алған немесе капиталды иеленген жағдайда Қазақстан осы табысты немесе капиталды салық салу базасына, бiрақ Қазақстанда салық салынатын осындай басқа табысқа немесе капиталға салынатын салық ставкасын айқындау мақсаттары үшiн енгiзе алады. 2. Бельгияда қосарланған салық салуды болдырмау мынадай түрде жүргiзiледi: а) Егер Бельгияның резидентi осы Конвенцияның 10-бабының 2-тармағының, 11-бабының 2 және 7-тармақтарының және 12-бабының 2 және 6-тармақтарының ережелерiнен өзге ережелерiне сәйкес Қазақстанда салық салынатын табыс алса немесе капитал элементтерiне ие болған жағдайда, Бельгия мұндай табысты немесе капиталдың мұндай элементтерiн салық салудан босатады, бiрақ осы резидент табыстың немесе капиталдың қалған бөлiгiне салынатын салық сомасын есептеу кезiнде, егер мұндай табыс немесе капиталдың мұндай элементi салық салудан босатылмаған болса қолданылатын болуы мүмкiн. b) Дивиденд болып табылатын, 10-баптың 2-тармағына сәйкес салық салуға жататын және төменде келтiрiлген с)-тармақшасына сәйкес Бельгия салығынан босатылмаған 11-баптың 2 немесе 7-тармақтарына сәйкес салық салуға жататын немесе 12-баптың 2 немесе 6-тармақтарына сәйкес салық салуға жататын роялти, Бельгия салығының мақсаттары үшiн Бельгия резидентi оның жиынтық табысының баптарын алған жағдайда, Бельгиядан тыс жерде төленетiн салықтардың сомаларын Бельгия салығынан шегеруге жататын, Бельгия заңдарының ережелерiн ескере отырып, осы табыстан алынатын Қазақстан салығы осындай табысқа жататын, Бельгия салығына қатысы бойынша шегерiм ретiнде рұқсат етiледi. с) Бельгия резидентi болып табылатын компанияның Қазақстан резидентi болып табылатын компаниядан алатын дивидендтерi Бельгия заңдарында көзделген шарттарға сәйкес және мерзiмi бiткенде Бельгиядағы корпоративтi салықтан босатылады. d) Бельгия заңдарына сәйкес Қазақстанда орналасқан тұрақты мекемеде Бельгияның резидентi жүзеге асыратын, салықтардан босату а) тармақшасында көзделген, Бельгияда оған салық салу үшiн осы кәсiпорынның түсiрген пайдаларынан нақтылы шығарылған шығындарға кәсiпорында ұшыраған жағдайда Бельгияда осы табыс сондай мөлшерде осы мекеменiң қарауына жатқызылатын басқа салық салу кезеңдердiң табыстарына аталған шығындардың өтемақысы негiзiнде, сондай-ақ Қазақстанда салық салудан босатылады.