Тармақ 1. Уағдаласушы Мемлекеттердiң құзырлы органдары осы Конвенцияның ережелерiн және салық салу әзiрге Конвенцияға қайшы келмейтiндей мөлшерде Конвенция қолданылатын салықтарға қатысты Уағдаласушы Мемлекеттердiң ұлттық заңдарын орындауға қажеттi ақпараттармен алмасып тұрады. Ақпарат алмасу 1-баппен шектелмейдi. Уағдаласушы Мемлекет алатын кез-келген ақпарат осы Мемлекеттiң iшкi заңдарына сәйкес алынған ақпарат секiлдi конфеденциалды болып есептеледi және тек Конвенция қолданылатын салық жинаумен немесе оларды өндiрiп алумен немесе күштеп өндiрiп алумен немесе оларға қатысты сот арқылы iс жүргiзумен немесе оларға байланысты апелляциялық шағымдар бойынша айқындаумен айналысатын адамдарға немесе органдарға ғана (соның iшiнде соттар мен әкiмшiлiк органдарына) жария етiледi. Мұндай тұлғалар немесе органдар ақпаратты тек осындай мақсаттар үшiн ғана пайдаланады. Олар ақпаратты iстiң ашық сотта қаралу барысында немесе сот шешiмдерiн қабылдаған кезде аша алады. 2. 1-тармақтың ережелерi ешбiр жағдайда Уағдаласушы Мемлекеттердiң қайсы бiрiнде де мiндеттеме жүктейтiндей: а) осы немесе басқа Уағдаласушы Мемлекеттiң заңдары мен әкiмшiлiк тәжiрибесiне қайшы келетiн әкiмшiлiк шараларын жүргiзетiндей; b) осы немесе басқа Уағдаласушы Мемлекеттiң заңдарына сәйкес немесе әдеттегi әкiмшiлiк тәжiрибесi барысында алу мүмкiн емес ақпарат беретiндей; с) қандай да болсын сауда, кәсiпкерлiк, өнеркәсiптiк, коммерциялық немесе кәсiби құпияны немесе сауда процесiн немесе ашылуы қоғамдық мүддеге (мемлекеттiк принциптерге) қайшы келуi мүмкiн ақпарат беретiндей пайымдалмауы тиiс.