Некені тіркеу азаматтық хал актілерін жазу органдарында (бөлімдерінде), ал мұндай органдар жоқ жерлерде - аудандық маңызы бар қалада, кентте, ауылда (селода), ауылдық (селолық) округте - әкiм аппаратында жүргізіледі. Жоғарыда аталған органдардың лауазымды адамы: 1) некеге тұру ниеті туралы берілген арыздарды жария етеді; 2) некелесушілерге болашақ жұбайлардың құқықтары мен міндеттерін түсіндіреді; 3) некеге тұруға келісетінін және жұбайлардың қалап алатын тектерін анықтайды.