Бап 11 О ратификации Соглашения между Республикой Казахстан и Российской Федерацией о статусе города Байконур, порядке формирования и статусе его органов исполнительной власти
Тармақ 1. Қала әкiмшiлiгiне қабылдау-өткiзу актiлерi бойынша пайдалануға берiлген объектiлердiң жер учаскелерi қала әкiмшiлiгiнiң пайдалануында болады.
1) "Байқоңыр" ғарыш айлағының Үйлестiру кеңесiмен келiсіп қала әкiмшiлiгi тек Үйлестiру кеңесiнiң келiсiмiмен ғана қосарлы жалға берiлетiн жер учаскелерi мен табиғи объектiлердiң тiзбесiн бекiтедi;
2) барлық жердi пайдаланушылардың қала аумағындағы жер мен табиғи ресурстарды пайдалануы Қазақстан Республикасы заңдарының талаптарына, қаланың Бас жоспарына, сондай-ақ жердi және басқа да табиғи ресурстарды пайдаланудың қалада белгiленген ережелерiне сәйкес болуын бақылауды жүзеге асырады;
3) қаланың пайдалануына бөлiнген жер учаскелерiн пайдалануға беру және қайтып алу мәселелерi бойынша шешiмдердi қабылдайды;
4) тұрғын үйдi, әлеуметтiк инфрақұрылымдар объектiлерiн, соның iшiнде мекемелер, кәсiпорындар және ұйымдардың келісімімен үлестiк негiзде қатысуымен салуға және жөндеуге тапсырушы болады.