Тармақ 1. Қазақстан Республикасы мен Ресей Федерациясының заңды және жеке тұлғаларына Қазақстан Республикасының Ұлттық Банкi мен Ресей Федерациясының Орталық банкiнiң мекемелерi, Байқоңыр кешенiнде өздерiнiң филиалын ашқан Қазақстан Республикасы мен Ресей Федерациясының басқа да банктерi қызмет көрсетедi.
Тармақ 2. Байқоңыр қаласының аумағында жұмыс iстейтiн Қазақстан Республикасының банктерi өздерiнiң қызметiн Қазақстан Республикасының заңдарына сәйкес жүргiзедi.
Тармақ 3. "Байқоңыр" кешенiнiң аумағында төлем қаржысы ретiнде Қазақстан Республикасы мен Ресей Федерациясының ұлттық валюталары жүредi.
Тармақ 4. "Байқоңыр" кешенiнiң аумағында заңды және жеке тұлғалар арасындағы төлемдердiң барлық түрлерi қазақстанның теңгесi мен /немесе/ ресейдiң рублiнде жүргiзiледi. Мұнда қандай валютамен төлеу құқығы төлеушiнiң өз еркiнде.
Тармақ 5. "Байқоңыр" кешенiнiң аумағында жұмыс iстейтiн Қазақстан Республикасының резиденттерiмен Қазақстан Республикасының басқа резиденттерiнiң арасындағы есеп айырысу Қазақстан теңгесiмен жүредi.