Бап 17 О государственном контроле за оборотом отдельных видов оружия

Тармақ 1. Қару пайдаланушылардың:

• 1) өздеріне берілген құқыққа сәйкес қару сақтауға, сақтау мен алып жүруге;
• 2) қаруды Қазақстан Республикасының заңдарында белгіленген жағдайлар мен тәртіп бойынша пайдалануға құқығы бар.

Тармақ 2. Қару пайдаланушылар:

• 1) қаруды арналған мақсатына сәйкес пайдалануға;
• 2) қару мен оның патрондарын тасымалдаудың белгіленген тәртібін сақтауға;
• 3) пайдаланылып жүрген қару мен оның патрондарының сақталуын қамтамасыз етуге;
• 4) қару мен оның патрондарын пайдалану кезiнде қауiпсiздiк талаптарын сақтауға мiндеттi.

Тармақ 3. Қаруды пайдаланушылар – заңды тұлғалар:

• 1) қаруды арнайы жабдықталған қоймаларда (қару-жарақ бөлмелерінде) атуға жарамсыз күйде сақтауға;
• 2) оқ атуға тікелей қатысатын қарудың негізгі (құрамдас) бөліктерін жеке сейфтерде сақтауға;
• 3) Қазақстан Республикасының заңнамасына сәйкес бақылауындағы объектілердің аумағына және қару сақталатын орындарға ішкі істер органдары қызметкерлерінің кедергісіз кіруін қамтамасыз етуге, танысу үшін оларға қажетті құжаттаманы ұсынуға міндетті.

Тармақ 4. Қаруды пайдаланушы жеке тұлғалар Қазақстан Республикасының заңнамасына сәйкес:

• 1) азаматтық және қызметтік қаруды қауіпсіз ұстау қағидаларының сақталуына бақылау жасау мақсатында қолда бар қаруды, оның патрондарын және олар сақталатын орындарды, сондай-ақ қажетті құжаттаманы қарап тексеру үшін ішкі істер органдары қызметкерлерінің талап етуі бойынша көрсетуге;
• 2) қару айналымына бақылау жасау саласындағы уәкілетті орган айқындайтын ұйымдарда қызметтік және азаматтық қаруды қауіпсіз ұстау қағидаларын білуіне бес жылда бір рет тексеруден өтуге міндетті.