Тармақ 1. 2-бапта көрсетiлген оқытушылардың жұмыс берушiлерi - құзырлы қазақстандық ведомстволар болып табылады. Олар таңдалып алынған оқытушыларға олар кеткенге дейiн жұмыс орны мен шарттарын көрсете отырып, жазбаша ақпарат бередi және олар Қазақстан Республикасына келгеннен кейiн аталған оқытушылармен тiкелей шарт жасасады. Оқытушылар осылай отандық жұмыскерлер сияқты құқықтық дәреже алады. Қазақстанның Үкіметі оларға қазақстандық оқытушыларға берiлетiндей әлеуметтiк қорғауды қамтамасыз етедi. 2. Еңбек шарты алғашқы кезде бiр оқу жылының мерзiмiне күшiнде болады. Егер ол осы оқу жылының аяқталуына алты ай қалғанға дейiн бұзылмаса, оның қолданысы тағы да бiр жылға өздiгiнен ұзартылуы мүмкiн, оның жалпы қолданыс мерзiмi ең көп дегенде алты жылға дейiн қайталануы мүмкiн. Шартты бұзудың себептерi әрiптеске шарт бойынша хабарлануы тиiс. 3. Оқытушылар аптасына немiс тiлiнен, ұзақтығы елдегi белгiленген нормаларға сәйкес 25 сабақ өткiзуге мiндеттi. Олар қажет болғанда, қосымша сабақтар өткiзуге мiндеттi, алайда олардың саны аптасына үш сабақтан және жылына 40 сабақтан аспауы тиiс. Әйтсе де арнайы тапсырмаларды орындаған жағдайда сабақтардың апта сайынғы саны қысқартылуы мүмкiн. 4. Қазақстан Республикасындағы каникулдар кезiнде бұл оқытушыларды, оларға ең кем дегенде 30 жұмыс күндiк үздiксiз демалыс беру шартымен, жаздық курстар шеңберiнде 4 аптадан көп емес пайдалануға болады. 5. Шарт бойынша төлем ретiнде герман оқытушылары аталған мектепте, олар ең кем дегенде екі жылдық стажы бар оқытушылардың еңбек ақысына сәйкес болуы тиiс әдеттегi қазақстан оқытушыларының еңбек ақысын алады. Еңбек ақы сондай-ақ каникулдар кезiнде де төленедi. 6. Қазақстан Республикасының Yкiметi герман оқытушыларына әдеттегi жергiліктi бағамдар бойынша жергiлiктi валютада жалға беру ақысымен қызметтiк пәтерлер бередi.