Қазақстан Республикасында терроризмге қарсы іс-қимыл мынадай қағидаттарға негізделеді:
- 1) адамның және азаматтың құқықтары мен бостандықтарын қамтамасыз ету және қорғау, террористiк қылмыстардың жасалуы салдарынан қауiп төнген адамдардың өмiрi мен денсаулығын, құқықтары мен заңды мүдделерін қорғау басымдығы;
- 2) заңдылықтың сақталуы;
- 3) терроризмге қарсы іс-қимыл шараларының террористік қауіп дәрежесіне мөлшерлес болуы;
- 4) терроризмнің алдын алудың басымдығы;
- 5) террористік әрекеттi жүзеге асырғаны үшiн жазаның бұлтартпастығы;
- 6) терроризмге қарсы іс-қимылдың саяси, ақпараттық-насихаттық, әлеуметтік-экономикалық, құқықтық, арнаулы және өзге де шараларының жүйелі болуы және оларды кешенді түрде пайдалану;
- 7) терроризмге қарсы операцияларды жүргiзу кезiнде тартылатын күштер мен құралдарға жедел басшылық жасауда дара басқару;
- 8) терроризмге қарсы іс-қимылдың жария және жария емес әдістерінің ұштасуы;
- 9) терроризмге қарсы операциялардың тактикасы, нысандары, әдістері, құралдары және оларға қатысушылар құрамы туралы мәліметтерге шектеулі қолжетімділікті қамтамасыз ету.