Тармақ 1. Тауардың қалыпты құнын уәкiлеттi орган экспорттайтын және (немесе) өндiретiн елде тұтынуға арналған ұқсас тауарға дағдылы сауда операциялары процесiнде белгiленетiн баға негiзiнде анықтайды.
Тармақ 2. Өзара тәуелдi тараптар арасындағы сату дағдылы сауда операциялары шеңберiнде өндiрiлген деп қаралмайды және тәуелдiлiк фактiсi тауар құнына ықпал жасамағанына дәлелдемелер табыс етiлген жағдайларды қоспағанда, қалыпты құнды анықтау кезiнде назарға алынбайды.
Тармақ 3. Қазақстанға тауар шығарылған елiнен емес, басқа елден берiлген кезде уәкiлеттi орган осы экспорттаушы елге (бұдан әрi - экспорт елi) төленген немесе төленуге тиiстi баға негiзiнде қалыпты құнды анықтайды. Қалыпты баға шығарылған елдегi баға бойынша мына жағдайларда:
Тармақ 4. Тауардың қалыпты құнын анықтау мүмкiн болмаған жағдайда ұқсас тауар сатылуының болмау себебi бойынша немесе мұндай сату ерекше рыноктық жағдайдың немесе экспорттаушы және (немесе) өндiрушi елдiң iшкi рыногындағы сату көлемiнiң шағын болуы салдарынан тиiсiнше салыстыру жүргiзуге мүмкiндiк бермейтiн кезде экспорттаушы және (немесе) өндiрушi елдiң iшкi рыногындағы бағаны негiзге ала отырып уәкiлеттi орган:
Тармақ 5. Ұқсас тауардың сатылуын уәкiлеттi орган олардың экспорттаушы және (немесе) өндiрушi елдiң iшкi рыногында тұтынуға арналған көлемi сол тауарды Қазақстанға сату көлемiнiң кемiнде бес процентi болған жағдайда қалыпты құнды анықтау үшiн жеткiлiктi мөлшерде жүзеге асырылады деп қарастыруы мүмкiн. Уәкiлеттi орган сату көлемiнiң едәуiр екенiне дәлелдемелер болған жағдайда тиiсiнше салыстыру үшiн сатудың неғұрлым төмен проценттiк көрсеткiшiн қолдануы мүмкiн.