Тармақ 1. Демпингке қарсы iстiң қаралуына тартылған тұлғалар демпингтiң зардаптарын жоюы мүмкiн демпингке қарсы істі қарау жүргізiліп жатқан тауардың бағасын қайта қарау және Қазақстанға тауардың демпингтік бағамен әкелiнуiн тоқтату туралы ерiктi түрде мiндеттеме алғаннан кейiн демпингке қарсы iстiң қаралуы уақытша шаралар енгiзiлмей немесе демпингке қарсы баж салынбай тоқтатыла тұруы немесе тоқтатылуы мүмкiн.
Тармақ 2. Мұндай мiндеттемелер бойынша бағаның белгіленген демпингтiк айырмадан артық болуын талап етуге уәкiлеттi органның құқығы жоқ. Егер уәкiлеттi орган бағаны мұндай арттыру демпингтiң отандық өндiрушiлерге келтiрген зардаптарын жою үшiн жеткiлiктi болатынын анықтаса, бағаның арттырылуы демпингтiк айырмадан кем болуы мүмкiн.
Тармақ 3. Баға бойынша мiндеттемелердi уәкiлеттi органның ұсынуы мүмкiн, бiрақ өнiм берушi өзiне осындай мiндеттемелер алуға мәжбүр етiлмеуге тиiс.
Тармақ 4. Баға бойынша мiндеттеменi уәкiлеттi орган осы Заңның 30-бабына сәйкес демпингтiң және материалдық залалдың немесе оны келтiру қаупiнiң болуы жөнiнде алдын ала растайтын қорытынды шығарылғаннан кейiн ғана қабылдауы мүмкiн.
Тармақ 5. Егер уәкiлеттi орган баға бойынша мiндеттеменi қабылдау өнiм берушiлер санының көп болуына байланысты не уәкiлеттi орган өнiм берушiге хабарлауға тиісті жалпы саяси себептерді қоса алғанда, басқа себептер бойынша iс жүзiне асыру мүмкiн емес деп санаса, ол мiндеттеменi қабылдауға болмайды.