Бап 62 О сельской потребительской кооперации в Республике Казахстан

Тармақ 1. Селолық тұтыну кооперациясы жүйесiндегi қауымдастықтар (одақтар) ерiктi негiзде және, әдетте, аумақтық белгiсi бойынша құрылады.

Тармақ 2. Қауымдастықтар (одақтар) коммерциялық емес ұйымдар болып табылады және жарғы мен құрылтай шартының негiзiнде жұмыс iстейдi.

Тармақ 3. Қауымдастықтар (одақтар) өз мүшелерiнiң қызметiн үйлестiрудi жүзеге асырады, сондай-ақ олардың жалпы мүлiктiк мүдделерiн бiлдiредi және қорғайды. Қауымдастықтар (одақтар) Қазақстан Республикасының заңдарына қайшы келмейтiн, құрылтай шартында немесе жарғыда көзделген өзге де мiндеттердi жүзеге асыруға құқылы.

Тармақ 4. Қауымдастықтардың (одақтардың) мүшелерi дербестiгiн және заңды тұлға құқығын сақтайды.

Тармақ 5. Қауымдастықтардың (одақтардың) мақсаттары мен мiндеттерiн бөлiсетiн басқа заңды тұлғалар да олардың мүшелерi бола алады.

Тармақ 6. Қауымдастықтар (одақтар) өз мүшелерiнiң мiндеттемелерi бойынша жауап бермейдi. Қауымдастықтардың (одақтардың) мүшелерi өз мiндеттемелерi бойынша құрылтай құжаттарында көзделген мөлшер мен тәртiпте субсидиарлық жауапты болады.

Тармақ 7. Қауымдастықтар (одақтар) өздерiнiң жарғылық мақсаттарына сәйкес келетiн мөлшерде ғана кәсiпкерлiк қызметпен айналыса алады. Қауымдастықтардың (одақтардың) кәсiпкерлiк қызметiнен алынатын табыс шығындарды жабуға және қауымдастықтардың (одақтардың) жарғылық қызметiн жүзеге асыруға жұмсалады.

Тармақ 8. Қауымдастықтар (одақтар) қауымдастықтың (одақтың) құрылтай шарты мен жарғысында көзделген өкiлеттiктi жүзеге асыруға құқылы.

Тармақ 9. Қауымдастық (одақты) құру тәртiбi құрылтай шартымен белгiленедi.

Тармақ 10. Қауымдастықты (одақты) құру туралы шешiмдi оның құрылтай жиналысы қабылдайды, ол қауымдастыққа (одаққа) кiру туралы арыздар негiзiнде оның мүшелерiнiң тiзiмi мен қауымдастықтың (одақтың) жарғысын бекiтедi.

• 2) қауымдастықтың (одақтың) атқарушы органының төрағасын;
• 3) қауымдастықтың (одақтың) тексеру комиссиясын (ревизорын) сайлайды.

Тармақ 11. Қауымдастықтың (одақтың) жарғысында мыналар болуға тиiс: 1) қауымдастықтың (одақтың) атауы;

• 2) қауымдастықтың (одақтың) орналасқан жерi;
• 3) қауымдастық /одақ/ қызметiнiң мәнi мен мақсаты және оның өкiлеттiгi;
• 4) қауымдастыққа (одаққа) кiру тәртiбi;
• 5) қауымдастықтан (одақтан) шығу немесе шығарылу тәртiбi;
• 6) қауымдастықтың (одақтың) органдарын сайлау тәртiбi, олардың құрамы мен құзыретi;
• 7) қауымдастықтың (одақтың) органдарының шешiмдер, оның ішінде бiрауыздан немесе бiлiктi көпшiлiк дауыспен шешiмдер, қабылдау тәртiбi;
• 8) қауымдастық (одақ) мүшелерiнiң құқықтары мен мiндеттерi;
• 9) қауымдастықтың (одақтың) мүлкiн қалыптастыру мен пайдалану тәртiбi;
• 10) қауымдастықтың (одақтың) филиалдары мен өкiлдiктерi туралы мәлiметтер;
• 11) қауымдастықты (одақты) қайта ұйымдастыру мен тарату тәртiбi;
• 12) қауымдастық (одақ) таратылғаннан кейiн қалған мүлiктi бөлу тәртiбi;
• 13) заңдарға қайшы келмейтiн басқа да ережелер.

Тармақ 12. Қауымдастық (одақ) Қазақстан Республикасының заңды тұлғаларды мемлекеттік тіркеу және филиалдар мен өкілдіктерді есептік тіркеу туралы заңнамасында белгіленген тәртіппен мемлекеттiк тiркелген кезден бастап ол құрылды деп есептеледi.

Тармақ 13. Қауымдастық (одақ) пен оның мүшелерi арасындағы өзара қатынастар жарғымен, құрылтай шартымен және келiсiмдермен белгiленедi. № 60-V