Тармақ 1. Қауымдастықты (одақты) басқаруды қауымдастық (одақ) мүшелерi өкiлдерiнiң жалпы жиналысы және қауымдастықтың (одақтың) атқарушы органы жүзеге асырады.
Тармақ 2. Қауымдастықтың (одақтың) жоғары органы қауымдастық (одақ) мүшелерi өкiлдерiнiң жалпы жиналысы болып табылады. Қауымдастыққа (одаққа) мүшелердің өкiлдiк нормасы қауымдастық (одақ) мүшелерi өкілдерiнiң жалпы жиналысы қабылдап, бекiткен қауымдастық (одақ) жарғысымен белгiленедi. Өкiлдiк нормасын ұлғайту туралы шешiмді қауымдастықтың (одақтың) атқарушы органы қабылдап, оны кейiннен қауымдастық (одақ) мүшелерi өкiлдерiнiң жалпы жиналысы бекiтедi. Өкiлдiк нормаларын қауымдастықтың (одақтың) жарғысында аталған нормалардан кемiтуге жол берiлмейдi.
Тармақ 3. Қауымдастықтың (одақтың) атқарушы органы қауымдастықтың (одақтың) басқармасы болып табылады.
Тармақ 4. Қауымдастықтың (одақтың) тексеру комиссиясы (ревизоры) қауымдастықтың (одақтың) бақылаушы органы болып табылады.