Тармақ 1. Осы Заң күшiне енгiзiлгенге дейiн құрылған тұтыну кооперациясы жүйесiнiң тұтыну кооперативтерi мен олардың қауымдастықтары (одақтары) осы Заң күшiне енгiзiлген күннен бастап алты ай iшiнде өздерiнің құрылтай құжаттарына тиiстi өзгерiстер енгiзуге мiндеттi.
Тармақ 2. Тұтыну кооперативтерi мен олардың қауымдастықтары (одақтары) құрылтай құжаттарын осы Заңға сәйкес келтiргенге дейiн қолданылып жүрген құрылтай құжаттарының ережелерiн Қазақстан Республикасының Азаматтық кодексiне және осы Заңға қайшы келмейтiн бөлiктерiнде басшылыққа алып отырады.
Тармақ 3. Тұтыну кооперациясы жүйесiнiң жұмыс iстеп тұрған қауымдастықтарының (одақтарының) жарғыларындағы өзгерiстердi мемлекеттiк тiркеу кезiнде құрылтай шарттарын табыс ету талап етiлмейдi.