Тармақ 1. Қазақстан Республикасы азаматтарының: дене шынықтыру-сауықтыру және спорт бағытындағы қоғамдық бiрлестiктерге кiруге; спорт бағытындағы дене шынықтырумен және спортпен, оның iшiнде кәсiби қызмет ретiнде де айналысуға; дене шынықтыру мен спортты басқаруға қатысуға; мемлекеттiк, коммуналдық және жеке спорттық ғимараттарды және қызметтердi тегiн не ақылы негiзде пайдалануға құқығы бар.
Тармақ 2. Қазақстан Республикасының спортпен айналысатын азаматтары: салауатты өмiр салтын насихаттауға; жергiлiктi, республикалық және халықаралық жарыстарда дене шынықтыру-спорт ұйымы мен мемлекеттен лайықты өкiл болуға; гигиена негiздерiн зерделеуге және сақтауға мiндеттi.
Тармақ 3. Ата-аналар, қамқоршылар, қорғаншылар немесе олардың орнындағы адамдар отбасындағы кәмелетке толмаған балалардың дене бiтiмiн дамытуға және денсаулығын нығайтуға, оларға дене шынықтырумен және спортпен айналысу үшiн қажеттi жағдайлар жасауға қамқорлық көрсетуге мiндеттi.