Бап 118 ҚР Әкімшілік рәсімдік-процестік кодексінің. Соттың ұйғарымы

Тармақ 1. Әкімшілік істі мәні бойынша шешпейтін сот актісі ұйғарым нысанында шығарылады. Сот ұйғарымдарды сот отырысында да, сот отырысынан тыс та шығаруы мүмкін.

Тармақ 2. Сот күрделі емес мәселелер бойынша сот отырысы залынан шықпастан ұйғарым шығарады, ол хаттамаға енгізіледі.

Тармақ 3. Жеке процестік құжат түрінде шығарылатын ұйғарымда мыналар көрсетілуге тиіс:

• 1) ұйғарымның шығарылған күні мен орны;
• 2) ұйғарымды шығарған соттың атауы, соттың құрамы мен сот отырысының хатшысының тегі мен аты-жөні;
• 3) әкімшілік процеске қатысушылар мен даудың нысанасы;
• 4) ұйғарым шығарылатын мәселе;
• 5) соттың өз қорытындыларына келу уәждері және сот басшылыққа алған Қазақстан Республикасының заңнамасына сілтеме;
• 6) процестік шешім;
• 7) егер ұйғарым шағым жасалуға жататын болса, оған шағым жасау тәртібі мен мерзімі.

Тармақ 4. Сот отырысы залында шығарылатын ұйғарымда осы баптың үшінші бөлігінің 4), 5) және 6) тармақшаларында санамаланған мәліметтер қамтылуға тиіс.

Тармақ 5. Ауызша тыңдау барысында ұйғарым шығарылған кезде ұйғарым не оның қарар бөлігі шығарылғаннан кейін дереу жария етіледі. Түпкілікті нысандағы ұйғарым оның қарар бөлігі жария етілгеннен кейін бес жұмыс күнінен кешіктірілмейтін мерзімде әзірленуі мүмкін.