Жеке процестік құжат түрінде шығарылатын ұйғарымда мыналар көрсетілуге тиіс:
- 1) ұйғарымның шығарылған күні мен орны;
- 2) ұйғарымды шығарған соттың атауы, соттың құрамы мен сот отырысының хатшысының тегі мен аты-жөні;
- 3) әкімшілік процеске қатысушылар мен даудың нысанасы;
- 4) ұйғарым шығарылатын мәселе;
- 5) соттың өз қорытындыларына келу уәждері және сот басшылыққа алған Қазақстан Республикасының заңнамасына сілтеме;
- 6) процестік шешім;
- 7) егер ұйғарым шағым жасалуға жататын болса, оған шағым жасау тәртібі мен мерзімі.