Тармақ 1. Айыптау актісінің көшірмесін алғаннан кейін қорғаушы қорғауындағы адамның келісімімен сотқа қорғау актісін ұсынуға құқылы.
Бұл ретте қорғау актісінің көшірмесі прокурорға жіберіледі.
Тармақ 2. Қорғау актісінде қорғау тарапының дәлелдері және (немесе) өтінішхаттары көрсетіледі.
Тармақ 3. Қорғау актісіне сот отырысына шақырылуға тиіс адамдардың тізімі (қорғау тізімі), заттай дәлелдемелер қоса берілуі мүмкін. Тізімде адамның тегі, аты, әкесінің аты (егер ол жеке басын куәландыратын құжатта көрсетілсе), оның процестік жағдайы, тұрғылықты жері көрсетіледі.
Тармақ 4. Қорғау актісіне қорғаушы мен оның қорғауындағы адамы қол қояды.
Сот талқылауы барысында қорғау актісін өзгертуге және толықтыруға қорғаудағы адамның келісімімен жол беріледі.