Тармақ 1. Осы Кодекстің 304-бабында көзделген әрекеттер жасалған соң прокурор өзінің қарарымен айыпталушыны сотқа береді және айыптау актісімен бірге қылмыстық істі соттылығы бойынша сотқа жібереді.
Тармақ 2. Егер айыпталушы күзетілуде болса, прокурор күзетпен ұстау орны әкімшілігінің басшысын қылмыстық істің сотқа жіберілгені және айыпталушының сотқа берілгендігі туралы хабардар етеді.
Тармақ 3. Процеске қатысушылардан істі сотқа жiбергеннен кейін келіп түскен өтiнiшхаттар мен шағымдар тiкелей сотқа жолданады.