Тармақ 1. Жоспарлы тексеру аумақтық бөлімшелер ерекше бақылау және қадағалау субъектісіне (объектісіне) бару арқылы жүргізетін және олар тексеру нәтижелері бойынша бұзушылықтарды анықтаған жағдайда әкімшілік іс жүргізу қозғалмай, осындай бұзушылықтарды жою туралы нұсқама шығарылатын бақылауды білдіреді.
Тармақ 2. Ерекше бақылау және қадағалау субъектілері (объектілері) бөлігінде тізілім бақылау және қадағалау субъектісінің (объектісінің) балалардың тамақтануына, тұруына, оларға медициналық көмек көрсетуге, білім беруге, оларды тәрбиелеуге, сауықтыруға мемлекеттік бюджеттен қаржыландыруды алғаны туралы орталық мемлекеттік органдар және облыстардың, республикалық маңызы бар қалалардың және астананың жергілікті атқарушы органдары ұсынатын деректер мен мәліметтер негізінде қалыптастырылады.
Орталық мемлекеттік органдар және облыстардың, республикалық маңызы бар қалалардың және астананың жергілікті атқарушы органдары тізілімді қалыптастыру тәртібіне сәйкес аумақтық бөлімшеге бақылау және қадағалау субъектісінің (объектісінің) балалардың тамақтануына, тұруына, оларға медициналық көмек көрсетуге, білім беруге, оларды тәрбиелеуге, сауықтыруға мемлекеттік бюджеттен қаржыландыруды алғаны туралы ақпаратты беруге міндетті.
Тармақ 3. Жоспарлы тексеру ерекше бақылау және қадағалау субъектілерінің (объектілерінің) жартыжылдық тізімі (бұдан әрі осы бап үшін – тізім) негізінде жүзеге асырылады.
Тізімді аумақтық бөлімше тізілімге енгізілген ерекше бақылау және қадағалау субъектілері (объектілері) арасынан тәуекел дәрежесін бағалау өлшемшарттарына сәйкес қалыптастырады.
Тізім аумақтық бөлімшенің интернет-ресурсында орналастырылады.
Тармақ 4. Жоспарлы тексеруді жүзеге асыру кезінде тәуекелдерді басқару мақсаттары үшін ерекше бақылау және қадағалау субъектілері (объектілері) мынадай тәуекел дәрежелерінің біріне жатады:
Тәуекелдің жоғары дәрежесіне жатқызылған ерекше бақылау және қадағалау субъектілері (объектілері) үшін жоспарлы тексеру жүргізу жиілігі жарты жылда бір реттен жиілетпей айқындалады. Тәуекелдің жоғары дәрежесіне жатқызылған ерекше бақылау және қадағалау субъектілеріне (объектілеріне) мониторинг жүргізілген жағдайда жоспарлы тексеру жүргізу жиілігі жылына бір реттен жиілетпей айқындалады.
Тәуекелдің төмен дәрежесіне жатқызылған ерекше бақылау және қадағалау субъектілері (объектілері) үшін жоспарлы тексеру жүргізу жиілігі жылына бір реттен жиілетпей айқындалады.
Тармақ 5. Эпидемиялық мәні жоғары объектілер – тәуекел дәрежесі жоғары субъектілерге (объектілерге), эпидемиялық мәні болмашы объектілер тәуекел дәрежесі төмен субъектілерге (объектілерге) жатқызылады. Эпидемиялық мәнінің дәрежесі осы Кодекстің 36-бабына сәйкес айқындалады.
Тармақ 6. Тәуекелдің бір дәрежесіне жатқызылған және қызметін бір ерекше бақылау және қадағалау объектісінде жүзеге асыратын бірнеше ерекше бақылау және қадағалау субъектілеріне (объектілеріне) қатысты тізімді жасау кезінде жоспарлы тексеру жүргізудің бірыңғай мерзімдері белгіленеді.
Тармақ 7. Тәуекелдерді бағалау мен басқарудың ақпараттық жүйесінде қалыптастырылған тізім жоспарлы тексеру жүргізілетін жылдың алдындағы жылдың 10 желтоқсанына дейінгі және ағымдағы күнтізбелік жылдың 10 мамырына дейінгі мерзімде аумақтық бөлімшенің интернет-ресурсында орналастырылады.
Тәуекелдерді бағалау мен басқарудың ақпараттық жүйесі болмаған жағдайда аумақтық бөлімшелер бекітілген тізімді жоспарлы тексеру жүргізілетін жылдың алдындағы жылдың 10 желтоқсанына дейінгі және ағымдағы күнтізбелік жылдың 10 мамырына дейінгі мерзімде мемлекеттік құқықтық статистика және арнайы есепке алу саласындағы қызметті өз құзыреті шегінде жүзеге асыратын мемлекеттік органға электрондық нысанда жібереді.