Бап 51-1 ҚР Халық денсаулығы туралы кодексінің

Тармақ 1. Ерекше бақылау және қадағалау субъектілерін (объектілерін) мемлекеттік бақылау және қадағалау жоспарлы және жоспардан тыс тексеру, тергеп-тексеру, ерекше бақылау және қадағалау объектісіне бару арқылы мониторинг (бұдан әрі осы параграф үшін – мониторинг) нысандарында жүзеге асырылады.

Ерекше бақылау және қадағалау субъектілерін (объектілерін) тексерулер, мониторинг – осы параграфта көзделген тәртіппен, тергеп-тексеру осы Кодекстің 45-1-бабында және Қазақстан Республикасының Кәсіпкерлік кодексінде көзделген тәртіппен жүзеге асырылады.

Тармақ 2. Ерекше бақылау және қадағалау субъектілерін (объектілерін) мемлекеттік бақылау және қадағалау халықтың санитариялық-эпидемиологиялық саламаттылығы саласындағы нормативтік құқықтық актілер талаптарының сақталуы тұрғысынан жүзеге асырылады.

Тармақ 3. Ерекше бақылау және қадағалау субъектілерін (объектілерін) мемлекеттік бақылауды және қадағалауды халықтың санитариялық-эпидемиологиялық саламаттылығы саласындағы мемлекеттік органның аумақтық бөлімшесі (бұдан әрі осы параграф үшін – аумақтық бөлімше) жүзеге асырады.

Тармақ 4. Ерекше бақылау және қадағалау субъектілерін (объектілерін) мемлекеттік бақылау және қадағалау олар алдын ала хабардар етілмей жүргізіледі.

Тармақ 5. Ерекше бақылау және қадағалау субъектілерінің (объектілерінің) жартыжылдық тізімінің, ерекше бақылау және қадағалау субъектілерін (объектілерін) тексеруді тағайындау, олардың мерзімдерін ұзарту, тексеру нәтижелері туралы актілердің, Қазақстан Республикасының Бас мемлекеттік санитариялық дәрігерінің мониторинг жүргізу туралы шешімінің (бұдан әрі осы параграф үшін – мониторинг жүргізу туралы шешім), мониторинг нәтижелері туралы актінің, анықталған бұзушылықтарды жою туралы нұсқаманың нысандарын уәкілетті орган бекітеді.

Тармақ 6. Ерекше бақылау және қадағалау субъектілерін (объектілерін) мемлекеттік бақылауды және қадағалауды жүзеге асыру барысында және (немесе) оның нәтижелері бойынша аумақтық бөлімшелер Қазақстан Республикасы Кәсіпкерлік кодексінің 135 , 136 және 153-баптарына және осы Кодекстің 42-1-бабына сәйкес жедел ден қою шараларын қолданады.

Тармақ 7. Ерекше бақылау және қадағалау барысында санитариялық-эпидемиологиялық сараптама жүргізу үшін өнімнің (тауардың), шикізаттың, табиғи орта құрамдастарының сынамаларын (үлгілерін) алу, тұлғаларды зерттеп-қарау, зертханалық және аспаптық зерттеулер, өлшеулер жүзеге асырылуы мүмкін.

Тармақ 8. Ерекше бақылау және қадағалау субъектілері:

жоспарлы тексеру жүргізу жиілігі сақталмаған;

тексеруді тағайындау туралы актіде немесе мониторинг жүргізу туралы шешімде (тексеру мерзімдерін ұзарту туралы қосымша актіде немесе мониторинг мерзімін ұзарту туралы шешімде (болған кезде) көрсетілген, осы параграфта белгіленген мерзімдер асып кеткен не өтіп кеткен;

тексеру немесе мониторинг жүргізуге тиісті өкілеттіктері жоқ адамдарға оны жүргізу тапсырылған;

тексеру немесе мониторинг мерзімдері осы параграфта белгіленген мерзімдерден асыра ұзартылған;

тексеруді тағайындау туралы актінің немесе мониторинг жүргізу туралы шешімнің көшірмесі болмаған жағдайларда, тексеру немесе мониторинг жүргізуге жібермеуге;

• 1) ерекше бақылау және қадағалау объектісіне тексеру немесе мониторинг жүргізу үшін келген аумақтық бөлімшенің лауазымды адамдарын мынадай:
• 2) егер мәліметтер жүргізілетін тексеру немесе мониторинг нысанасына жатпаса, оларды ұсынбауға;
• 3) тексеру немесе мониторинг нәтижелері туралы актіге, анықталған бұзушылықтарды жою туралы нұсқамаға Қазақстан Республикасының заңнамасында белгіленген тәртіппен шағым жасауға;
• 4) тексеруді немесе мониторингті жүзеге асыру процесін, сондай-ақ аумақтық бөлімшенің лауазымды адамының тексеру немесе мониторинг шеңберінде жасайтын жекелеген әрекеттерін лауазымды адамның қызметіне кедергі келтірмей, оны хабардар ете отырып, аудио- және бейнетехника құралдарының көмегімен тіркеп-белгілеуге құқылы.

Тармақ 9. Ерекше бақылау және қадағалау субъектілері:

• 1) аумақтық бөлімшенің лауазымды адамдарының ерекше бақылау және қадағалау субъектісінің (объектісінің) аумағы мен үй-жайларына кедергісіз кіруін қамтамасыз етуге;
• 2) аумақтық бөлімшенің лауазымды адамдарының шақыруы бойынша келуге;
• 3) аумақтық бөлімшенің сұрау салуы бойынша материалдарды ұсынуға;
• 4) коммерциялық, салықтық не заңмен қорғалатын өзге де құпияны қорғау жөніндегі талаптарды сақтай отырып, аумақтық бөлімшенің лауазымды адамдарына тексеру немесе мониторинг нәтижелері туралы актіге және анықталған бұзушылықтарды жою туралы нұсқамаға қоса тіркеу үшін тексерудің және (немесе) мониторингтің міндеттері мен нысанасына сәйкес құжаттарды (мәліметтерді) не олардың көшірмелерін қағаз және электрондық жеткізгіштерде ұсынуға, сондай-ақ автоматтандырылған дерекқорларға (ақпараттық жүйелерге) қолжетімділік беруге;
• 5) тексеруді тағайындау туралы актіні немесе мониторинг жүргізу туралы шешімнің көшірмесін (тексеру мерзімдерін ұзарту туралы қосымша актіні немесе мониторинг мерзімін ұзарту туралы шешімді (болған кезде) алғаны туралы белгі қоюға;
• 6) тексеру немесе мониторинг аяқталған күні олардың нәтижелері туралы актіні, анықталған бұзушылықтарды жою туралы нұсқаманы алғаны туралы белгі қоюға;
• 7) егер осы Кодексте не Қазақстан Республикасының өзге де заңдарында өзгеше көзделмесе, тексеруді немесе мониторингті жүзеге асыру кезеңінде тексерілетін құжаттарға өзгерістер мен толықтырулар енгізуге жол бермеуге;
• 8) тексеруді тағайындау туралы актіні немесе мониторинг жүргізу туралы шешімнің көшірмелерін алған жағдайда ерекше бақылау және қадағалау субъектісінің (ерекше бақылау және қадағалау субъектісі басшысының не ол уәкілеттік берген адамның) тексерудің немесе мониторингтің белгіленген мерзімдерінде ерекше бақылау және қадағалау объектісі тұрған жерде болуын қамтамасыз етуге міндетті.