Тармақ 1. Полигонның Ресей Федерациясына берілген объектілерін, Приозерск қаласының жылжымалы және тұрақты мүлкін пайдалануды қамтамасыз ететін әскери құрамалар Ресей Федерациясы Қарулы Күштерінің құрамына кіреді. Уақытша Қазақстан Республикасы аумағында орналасқан Ресей Федерациясы әскери құрамаларының, статусы Тараптардың жеке келісімімен анықталады. 2. Әскери құрамалардың штаттық құрылымдары мен саны Қазақстан Республикасы Қорғаныс министрлігінің келісімі бойынша Ресей Федерациясы Қорғаныс министрлігімен бекітіледі. 3. Полигон бастығын тағайындау Қазақстан Республикасы Қорғаныс министрінің келісімінен кейін Ресей Федерациясы Қорғаныс министрінің ұсынуымен Қазақстан Республикасы Президентінің келісімі бойынша Ресей Федерациясының Президентімен жүзеге асырылады. 4. Полигон орындайтын тапсырмалар көлемі өзгергенде, Ресей Федерациясының Қорғаныс министрлігі, Қазақстан Республикасының Қорғаныс министрлігінің келісуімен, Ресей Федерациясы Қорғаныс министрлігінің әскери құрамаларының штаттық құрылымдары мен әскери қызметшілер санында қажетті өзгертулерді жүзеге асырады.