Приозерск қаласы Қазақстан Республикасының облыстық бағыныштағы қаласы болып табылады. Ресей Федерациясына жалға берілген қала объектілерін есептемегенде, Приозерск қаласының инфрақұрылымын ұстау Тараптардың үлес қатысы принциптеріне сүйеніп жүзеге асырылады және жал жөніндегі шартпен анықталады. Ресей Федерациясының Приозерск қаласының инфрақұрылымын ұстауға беретін үлесі Қазақстан Республикасына Приозерск қаласы үшін мақсатты бағытта төленеді және Ресей Федерациясының жалға берілген Полигонның объектілері, Приозерск қаласының жылжымалы және тұрақты мүлкін пайдаланғаны үшін төлейтін жал ақысының жалпы құрамына кіреді. Приозерск қаласының әкімі Полигонның әскери қызметшілерін, жұмысшылары мен қызметшілерін, сондай-ақ өнеркәсіп өкілдерін бөлек ақыға Қазақстан Республикасы заңына сай тұрғын және қонақ үй фондымен қамтамасыз етеді, сондай-ақ жалпыға білім беретін мектептер мен мектепке дейінгі мекемелерден орындар береді.