Полигонның қызметі ол туралы Қазақстан Республикасының Қорғаныс министрлігінің келісімімен Ресей Федерациясының Қорғаныс министрлігі бекітетін қорғаныс тақырыбындағы және Қазақстан Республикасының Ғылым және жаңа технология министрлігінің Тараптардың ғылымы мен экономикасының мүддесі үшін жұмыстар тақырыбы бойынша ережелермен реттеледі. Полигонның аталған жұмыстары үшін: - күрделі құрылыстар жоспарын қоса есептегенде, Полигон мен Приозерск қаласын ұстау мен дамыту жоспарлары; - ғылыми-зерттеу жұмыстарының жылдық жоспарлары; - сынақ жұмыстарын өткізудің жылдық кестелері; - Тараптар әскерлерінің нақты ракеталарды ұшыратын тактикалық жаттығуларды өткізу жоспарлары; - қару-жарақ пен әскери техниканы пайдалану және жөндеудің жылдық жоспарлары негіз болып табылады. Жылдық жоспарлар мен кестелер оларға қатысы бар жәйттерде Қазақстан Республикасы Қорғаныс министрлігі және Қазақстан Республикасы Ғылым мен жаңа технология министрліктерімен келісу бойынша, Ресей Федерациясы Қорғаныс министрлігімен жоспарланып отырған жылдың алдындағы жылдың 1 желтоқсанына дейін бекітіледі.