1 және 2 қолдану саласындағы парниктік газ шығарындысы, сондай-ақ 3 қолдану саласындағы шығарындының елеулі көзі, мысалы, коммерциялық авиажеткізу мен чартерлік көліктен шығарынды жыл сайын абсолютті мәнде және жан басына шаққанда ұсынылуға тиіс 32. Миссия бастаманы айқындауға, жоспарлауға және бюджетке салуға тиіс, ол 2025 жылға қарай абсолютті және жан басына шаққандағы парниктік газ шығарындысын кемінде 25%-ға және 2030 жылға қарай 45%-ға қысқартуға мүмкіндік береді. Бастаманы іске асыру үшін барлық қажетті шара қабылдануға тиіс, ал олардың орындалу барысы туралы жыл сайын хабарланады 33. Мүмкіндігінше қызметтік іссапар орнына балама әдістер пайдаланылуға тиіс. Басшылар бейнеконференция, аудиоконференция және басқа да қашықтан жұмыс істеу әдістері, мысалы виртуалды кеңес сияқты балама әдістердің мұқият зерделенгенін және мандатты іске асыру үшін тиімсіз деп танылғанын растауға тиіс. Тікелей жеке байланыс жасау немесе жергілікті жерде инспекция жүргізу қажет болған жағдайда қатысушылар саны барынша азайтылуға тиіс. Мүмкіндігінше, сапар аялдама санын барынша азайтып, анағұрлым тура маршрут бойынша жүзеге асырылуға тиіс. Бұл ретте қызметкерлерге, егер бұл мүмкін болса, ST/A1/2013/3 сәйкес демалыс кезеңін пайдаланып, өз мәртебесін экономикалық сыныпқа дейін еркін түрде төмендетуге ұсынылады 34. Жаңа тоңазытқыш қондырғысы мен ауа баптағышта, егер іс жүзшде мүмкін баламаның болмауы дәлелденбесе, жаһандық жылыну әлеуеті (GWP global warming potential) 700-ден аспайтын салқындатқыш пайдаланылуға тиіс. GWP R410A немесе R134A жоғары салқындатқышты пайдаланатын қолданыстағы қондырғы бірінші кезекте пайдаланудан шығарылуға тиіс. Салқындатқышты кәдеге жарату лицензияланған мердігер немесе кәсіпорын арқылы жүзеге асырылуға тиіс