Жалпы мақсаттағы қатты қалдықтың пайда болуы және қауіпті қалдықтың жинақталуы бойынша есептілік жыл сайын абсолютті мәнде және жан басына шаққанда берілуге тиіс. 56. Миссия қалдықтың нөлдік деңгейін нақты қамтамасыз ете алатын бастаманы айқындауға, жоспарлауға және бюджетке салуға тиіс. Бастаманы іске асыру бойынша барлық қажетті шара қабылданып, жыл сайын олардың іске асырылу барысы туралы есеп берілуге тиіс. 57. Қағазды, картонды, шыныны, металды және пластмассаны қайта пайдалану және қайта өңдеу мүмкіндігі бағалануға және тиісті сатып алу келісімшарттарында иеленудің жалпы құны тұрғысынан БҰҰ үшін құнын тиісті түрде ескеріп, жергілікті, өңірлік немесе жаһандық деңгейде (осындай тәртіппен) қайта пайдаланылуы немесе қайта өңделуі мүмкін материалға басымдық берілуге тиіс. 58. Миссия іс жүзінде мүмкін болған жерде көп рет пайдаланылатын бөтелке мен су диспенсерін (не желілік не көлемі үлкен контейнері бар су диспенсерін) пайдалануды ендіру үшін барлық қажетті шара қабылдауға тиіс. Егер бір реттік пластикалық бұйым пайдаланылса, онда іс жүзінде мүмкін ең үлкен көлемді бөтелке көрсетілуге тиіс. 59. Көлік шығысы мен пайдалану қалдығын азайту үшін С қосымшасында сипатталғандай, тауар ерекшелігінде тиісті ескертуді пайдаланып, қаптаманы барынша азайту керек. 60. Жарамдылық мерзімі бар шығыс материалын сатып алу кезінде оларды пайдалану қарқындылығын ескеру және, әдетте, 12 айлық қордан асырмай сақтау керек. 61. Миссия қорды мұқият басқару арқылы жарамдылық мерзімі аяқталатын шығыс материалын басым пайдалану бойынша тиісті шаралар қабылдауға тиіс. Егер миссияның жарамдылық мерзімі аяқталғанға дейін шығыс материалын пайдалануы екіталай болып табылса, егер мұндай мекеменің БҰҰ-ның болжамына және тәуекелді басқару қағидатына сәйкес уақтылы және тиісті түрде белу немесе сыйға беру үшін дәлелденген әлеуеті болса, оларды жарамдылық мерзімі аяқталғанға дейін БҰҰ мекемесіне және олардың бағдарламаларына сыйға тарту мүмкіндігін зерделеу қажет. 62. Жарамдылық мерзімі өткен шығыс материалын кәдеге жарату осы саясатқа (В қосымшасын қараңыз), миссияның қалдықты басқару жоспарына (WMP-Waste Management Plan), жергілікті заңдар мен қағидаларға, сондай-ақ басқа кез келген тиісті рәсімдерге (мысалы, Рацион жөніндегі нұсқау) сәйкес жүзеге асырылуға тиіс, бұл ретте мердігерлердің БҰҰ-ның қажеттілігі үшін ғана сатып алынған заттарды кәдеге жаратуына қатысты арнайы ережелер болуы мүмкін екенін ескеру қажет (атап айтқанда, азық-түлік өнімі). 63. Сатып алу процесінде нақты тауар мен көрсетілетін қызмет үшін қалдыктың кері логистикасының механизмін нақтылау және бағалау қажет. 64. Органикалық қалдық қордалануға, энергияға (биогазға) түзілуге немесе өртелуге тиіс. 65. Егер қалдықты жинау мен кәдеге жаратуды мердігерлер жүзеге асырса, олар қалдықты кәдеге жарату қызметін көрсетуге қатысты құзыреттілік, мүмкіндік пен тәжірибе туралы ақпаратты, сондай-ақ қажет болса, тиісті органның лицензиясын ұсынуға тиіс. Басқа қайта өндеушімен немесе басқа кәдеге жарату қызметімен қосалқы мердігерлік шарттар жасау кезінде жеткізу тізбегінің тиісті рәсімдерінің болуын көрсету қажет. Мердігерлер тиісті табиғатты қорғау заңнамасын және шарттық міндеттемелерді сақтау мәніне түрақты мониторингтен өтуге тиіс. 66. Қатты қалдықты кәдеге жарату жабдығы В қосымшасында келтірілген өнімділік стандартына сәйкес келуге тиіс.