3. Үкімет UNDOF-қа С қосымшасында санамаланған өзін-өзі қамтамасыз етуге жататын қосалқы қару-жарақты (жабдықты) және шығыс материалдарын ұсынады. Үкімет қосалқы қару-жарақтың (жабдықтың) және шығыс материалдарының UNDOF құрамында осындай мүлікті орналастырудың барлық кезеңінде Е және F қосымшаларында мазмұндалған тиімділік стандарттарына сәйкестігін қамтамасыз етеді. Осы Өзара түсіністік туралы меморандумда көрсетілген деңгейден асатын кез келген жабдық ұлттық жауапкершілік болып табылады, сондықтан өтелмейді. Сонымен, ол Біріккен Ұлттар Ұйымы тарапынан өтелуге немесе қолдаудың өзге де түріне жатпайды.