Тармақ 1. Қазақстан Республикасының Қаржы министрлiгi ХҚДБ Келiсiмi Баптарының 2-бөлiмi III бабының талаптарына сәйкес Қазақстан Республикасының қаржы органы ретiнде әрекет етеді.
Тармақ 2. Қазақстан Республикасының Ұлттық Банкi ХВҚ Келiсiмi Баптарының 1-бөлiмi V бабының талаптарына сәйкес Қазақстан Республикасының қаржы органы ретiнде әрекет етеді.
Тармақ 3. ХҚК Келiсiмi Баптарының 10-бөлiмi IV бабының, ХДҚ Келiсiмi Баптарының 10-бөлiмi VI бабының, ИККА-ны құру туралы конвенцияның 38-бабы V тарауының, ЕҚДБ-ны құру туралы келiсiмнiң 34-бабы VI тарауының, АДБ-ны құру туралы келiсiмнiң 38-бабы VI бөлiмiнiң талаптарына сәйкес – Қаржы министрлiгi, ИДБ Құрылтай шартының 40-бабы V бөлімінің талаптарына сәйкес Қазақстан Республикасының Yкiметi айқындайтын лауазымды адам, АИИБ Келісімі Баптарының 33-бабы VI тарауының, ТИҚ-ты құру туралы келісімнің IV тарауы 15-бабының талаптарына сәйкес Қазақстан Республикасының Үкіметі айқындайтын тиісті ресми орган Қазақстан Республикасының тиiстi халықаралық ұйымдармен байланыс арнасы ретiнде айқындалады.
Тармақ 4. Қазақстан Республикасының Ұлттық Банкi келiсiмдердiң тиiстi баптарына, құру туралы келiсiмдерге, конвенцияларға немесе Құрылтай шартына сәйкес Қазақстан Республикасының ұлттық валютасы түрiндегi барлық авуарлардың, сондай-ақ ХВҚ-ның, ХҚДБ-ның, ХҚК-ның, ХДҚ-ның, ИККА-ның, ЕҚДБ-ның, АДБ-ның, ИДБ-ның, АИИБ-ның, ТИҚ-тың басқа да активтерiнiң депозитарийi ретiнде тағайындалады.
Тармақ 5. Қазақстан Республикасының Yкiметi ХВҚ-ның, ХҚДБ-ның, ХҚК-ның, ХДҚ-ның, ИККА-ның, ЕҚДБ-ның, АДБ-ның, ИДБ-ның, АИИБ-ның, ТИҚ-тың басқарушылар кеңестерiне, ИДРХО-ның Әкiмшiлiк кеңесiне Қазақстан Республикасының атынан мiндеттердi орындау үшiн тиiстi лауазымды адамды Қазақстан Республикасының өкiлi (Басқарушы) ретiнде, сондай-ақ Басқарушы болмаған кезде, мiндеттерiн орындау үшiн барлық өкiлеттiктер берілген оның орынбасарын тағайындауға уәкiлеттi.