Тармақ 1. Осы Келiсiмге, 15 және 16-баптарда көзделгеннен басқа жағдайларда, осы бапта көзделген рәсiмге сәйкес түзетулер енгiзiлуi мүмкiн.
Тармақ 2. Кез келген Уағдаласушы тараптың өтiнiшi бойынша осы Келiсiмге өзгерiс енгiзу туралы оның кез келген ұсынысын Бiрiккен Ұлттар Ұйымының Еуропалық экономикалық комиссиясының Құрамдастырылған тасымалдар жөнiндегi жұмыс тобы қарайды.
Тармақ 3. Түзету дауыс беруге қатысқан Уағдаласушы тараптардың үштен екiсi көпшiлiгiмен мақұлданса, Бiрiккен Ұлттар Ұйымының Бас хатшысы түзетудi барлық Уағдаласушы тараптарға қабылдау үшiн жолдайды.
Тармақ 4. Осы баптың 3-тармағына сәйкес жiберiлетiн кез келген ұсынылатын түзету оны жолдау уақытынан бастап есептелетiн, ұзақтығы он екi айлық кезең аяқталған күннен бастап үш айдан соң, егер осы он екi ай кезең iшiнде Бiрiккен Ұлттар Ұйымының Бас хатшысы Уағдаласушы тарап болып табылатын қайсiбiр Мемлекеттен ұсынылған түзетуге қарсылығы туралы хабар алмаса, барлық Уағдаласушы тараптарға қатысты күшiне енедi.
Тармақ 5. Егер ұсынылған түзетуге қарсы осы баптың 4-тармағына сәйкес қарсылық туралы мәлiмдеме жiберiлсе, түзету қабылданбады деп есептеледi және күшi болмайды.