Тармақ 1. Осы Келiсiмнің III және IV қосымшаларына осы бапта жазылғанрәсiмге сәйкес түзетулер енгiзiлуi мүмкiн.
Тармақ 2. Кез келген Уағдаласушы тараптың өтiнiшi бойынша оның III және IV қосымшаларға түзету енгiзу туралы кез келген ұсынысын Бiрiккен Ұлттар Ұйымының Еуропалық экономикалық комиссиясының Құрамдастырылған тасымалдар жөнiндегi жұмыс тобы қарайды.
Тармақ 3. Түзету дауыс беруге келген және қатысқан Уағдаласушы тараптардың үштен екi көпшiлiгiмен мақұлданған жағдайда Бiрiккен Ұлттар Ұйымының Бас хатшысы түзетудi қабылдау үшiн барлық Уағдаласушы тараптарға жолдайды.
Тармақ 4. Осы баптың 3-тармағына сәйкес жолданған кез келген ұсынылған түзету, егер ол жолданған күнiнен бастап алты ай өткеннен кейін Уағдаласушы тараптардың бестен бiрi немесе одан көбі Бiрiккен Ұлттар Ұйымының Бас хатшысына осы түзетуге олардың қарсы екенi туралы мәлiмдемесе, қабылданған болып есептеледі.
Тармақ 5. Бас хатшы осы баптың 4-тармағына сәйкес қабылданған кез келген түзету туралы барлық Уағдаласушы тараптарға хабарлайды, түзету осы хабарлау күнiнен бастап үш ай өткеннен кейін, түзету күшіне енген күнге дейін Бас хатшыға олар ұсынылған түзетуді қабылдамайтыны туралы мәлімдегендерді қоспағанда, барлық Уағдаласушы тараптарға қатысты күшіне енеді.
Тармақ 6. Егер Уағдаласушы тараптардың бестен бірі немесе одан көбі осы баптың 4-тармағына сәйкес ұсынылған түзетуге қарсы екендігі туралы мәлімдесе, түзету қабылданбады деп есептеледi және күшi болмайды.