Мәртебелi Уағдаласушы Тараптар Қазақстан-Өзбекстан Мемлекеттiк шекарасы туралы Қазақстан Республикасы мен Өзбекстан Республикасы арасындағы 2001 жылғы 16 қарашадағы шарттың тиiсiнше 1-қосымшасы және 2-қосымшасы болып табылатын, Қазақстан Республикасы мен Өзбекстан Республикасы арасындағы Мемлекеттiк шекара сызығы өтуiнiң сипаттамасының және 1:100 000 масштабтағы топографиялық карта парақтарының N 16 шекаралық нүктеден N 18 шекаралық нүктеге дейiн Мемлекеттiк шекара сызығы өтуiнiң сипаттамасына және оны 1:100 000 масштабтағы топографиялық карта парақтарына сызуға қатысты бөлiктерiне өзгерiстер енгiзуге келiстi. Аталған өзгерiстер Жекелеген учаскелер сипаттамасында жаңа редакцияда жазылды және осы Шарттың 2-қосымшасы сондай-ақ оның ажырамас бөлiгi болып табылатын 1:25 000 және 1:100 000 масштабтағы топографиялық карта парақтарына түсiрiлдi.