N 16 шекаралық нүктеден N 19 шекаралық нүктеге дейiнгі, N 84 шекаралық нүктеден N 85 шекаралық нүктеге дейiнгi, N 115 шекаралық нүктеден N 117 шекаралық нүктеге дейiнгi учаскелердегi Мемлекеттiк шекара сызығы осы Шарттың 2-қосымшасы болып табылатын 1:25 000 және 1:100 000 масштабтағы топографиялық карта парақтарына қызыл түспен түсiрiлген. Қазақ, өзбек және орыс тiлдерiндегі Жекелеген учаскелер сипаттамасы мәтiндерiнде пайдаланылатын географиялық жеке атаулардың жазылуы жоғарыда аталған карталарға сәйкес келеді. Жекелеген учаскелерінің сипаттамада көрсетiлген барлық арақашықтықтар мен координаттар осы карталар бойынша өлшенген.