Шарттың IX бабы алынып тасталады және мыналармен ауыстырылады:
Тармақ 1. Қолданыс ауданы шегiнде жауынгерлiк танктердi, жауынгерлiк броньды машиналарды, артиллерияны, жауынгерлiк ұшақтар мен соққы берушi тiкұшақтарды есептен шығару жолымен қару-жарақтан алып тасталған жағдайда: (А) Шартпен шектелетiн осындай кәдiмгi қару-жарақ пен техника есептен шығарылады және Ақпарат алмасу туралы хаттамаға сәйкес жарияланған орын ретiнде хабарланатын және Шартпен шектелетiн есептен шығарылған кәдiмгi қару-жарақ пен техникасы бар аудан ретiнде осындай хабарламада белгiленетiн сегiзден аспайтын орында пайдаға асырылады. Егер Шартпен шектелетiн қару-жарақ есебiнен шығарылған кәдiмгi қару-жарақ пен техникасы бар орындар Шарттың қолданыс аясына жататын, сондай-ақ кез келген басқа кәдiмгi қару-жарақ пен техникадан тұрса, Шартпен шектелетiн, есептен шығарылған кәдiмгi қару-жарақ пен техника бөлек ерекшеленетiн болып табылады; және (В) Шартпен шектелетiн есептен шығарылған осындай кәдiмгi қару-жарақ пен техника саны, кез келген жеке Қатысушы мемлекетке қатысты оның Шартпен шектелетiн хабарландырылған қолда бар кәдiмгi қару-жарағы мен техникасының бiр пайызынан немесе қайсысы көп болуына байланысты жалпы санның 250 бiрлiгiнен аспайды, мұның 200 бiрлігінен артық емесiн жауынгерлiк танктер, жауынгерлiк броньды машиналар және артиллерия және 50 бiрлiгiнен артық емесiн соққы берушi тiкұшақтар мен жауынгерлiк ұшақтар құрайды. 2. Есептен шығару туралы хабарламада Шартпен шектелетiн есептен шығарылған кәдiмгi қару-жарақ пен техниканың саны мен түрi, есептен шығару орны қамтылады және Ақпарат алмасу туралы хаттаманың X бөлiмi 1-тармағының (В) тармақшасына сәйкес басқа барлық Қатысушы мемлекеттерге бередi".