Тармақ 1. Шарттың Х бабының 4-тармағы алынып тасталады және мыналармен ауыстырылады: "4. Шартпен шектелетiн тұрақты қоймалық сақтаудың белгіленген орны шегiнде тұрған кәдiмгi қару-жарақ пен техника, осы баптың 7, 8 және 10-тармақтарына сәйкес оларды уақытша алған жағдайды қоса, тұрақты бөлімдерде болмайтын, Шартпен шектелетін кәдiмгi қару-жарақ пен техника ретiнде есепке алынады. Тұрақты қоймалық сақтаудың белгiленбеген орнында қоймалық сақтауда тұрған, Шартпен шектелетiн кәдiмгi қару-жарақ пен техника тұрақты бөлiмдерде Шартпен шектелетiн кәдiмгi қару-жарақ пен техника peтіндe есепке алынады". 2. Шарттың X бабының 9-тармағы алынып тасталады. 3. Шарттың Х бабының 10-тармағы алынып тасталады және мыналармен ауыстырылады: "10. Осы баптың 8-тармағына сәйкес тұрақты қоймалық сақтаудың белгіленген орнынан алынған Шартпен шектелетiн кәдiмгi қару-жарақ пен техника, өндiрiстiк жағдайда жөндеу үшiн Шартпен шектелетiн кәдiмгi қару-жарақ пен техника бiрлiгiн қоспағанда, оларды алғаннан кейiн 42 күннен кешіктiрмей тұрақты қоймалық сақтаудың белгiленген орнына қайтырылады. Осындай бiрлiктер жөндеу аяқталғаннан кейiн дереу тұрақты қоймалық сақтаудың белгiленген орнына қайтарылады".