Шарттың XIV бабы алынып тасталады және мыналармен ауыстырылады:
Тармақ 1. Осы Шарт ережелерiнiң сақталуын бақылауды қамтамасыз ету мақсатында әрбiр Қатысушы мемлекет Инспекциялар туралы хаттаманың ережелерiне сәйкес қолданыс ауданы шегiнде инспекция өткiзуге және мiндеттеме қабылдауға құқылы. 2. Мұндай инспекцияның мақсаттары: (А) Ақпараттар алмасу туралы хаттамаға сәйкес ұсынылған ақпарат негiзiнде Ұлттық шектi деңгейлер туралы хаттаманың IV, V, VII баптарында және Аумақтық шектi деңгейлер туралы хаттамада белгiленген Қатысушы мемлекеттердiң сандық шектеулерiн сақтауды бақылау; (В) VIII бапта және Қысқартулар туралы хаттамаға сәйкес қысқарту орындарында жүзеге асырылатын кез келген жауынгерлiк танктердiң, жауынгерлiк броньды машиналардың, артиллерияның, жауынгерлiк ұшақтар мен соққы берушi тiкұшақтардың қысқартылуын қадағалау; (С) Тиiсiнше Тiкұшақтарды қайта топтастыру туралы хаттамаға және Ұшақтарды қайта топтастыру туралы хаттамаға сәйкес жүзеге асырылатын қайта топтастырылған көп мақсатты соққы берушi тiкұшақтар мен қайта топтастырылған жауынгерлiк оқу-жаттығу ұшақтарын сертификаттауды қадағалау болып табылады. 3. Бiрде-бiр Қатысушы мемлекет бақылау режимiне қол жеткiзу мақсатынан ауытқымау үшiн осы баптың 1 және 2-тармақтарында баяндалған құқықтарды жүзеге асырмайды. 4. Бiреуден көп Қатысушы мемлекеттер бiрлесiп өткiзетiн инспекция жағдайында, олардың бiреуi осы Шарт ережелерiнiң жүзеге асырылуы үшiн жауапты болады. 5. Көрсетiлген әрбiр уақыт кезеңi iшiнде өткiзуге және мiндеттеме қабылдауға құқылы әрбiр Қатысушы мемлекет Инспекциялар туралы хаттаманың VII және VIII бөлiмдерiне сәйкес инспекциялар санын осы Хаттаманың II бөлiмiнің ережесiне сәйкес айқындайды. 6. Өткiзуге құқылы әрбiр Қатысушы мемлекет Инспекциялар туралы хаттаманың IX бөлiмiне сәйкес инспекциялар санын, ал аумақтық шектi деңгейi немесе аумақтық шектi кiшi деңгейi уақытша артық болатын, мiндеттеме қабылдауға жауапты Қатысушы мемлекет көрсетiлген бөлiмнің ережелерiне сәйкес айқындайды. 7. Қысқарту нормасынан тыс Шартпен шектелетiн кәдiмгi қару-жарақ пен техниканы пайдаға асыруды жүзеге асыратын әрбiр Қатысушы мемлекет Инспекциялар туралы хаттаманың ХII бөлiмiнiң ережелерiне сәйкес пайдаға асырудың нәтижелерiн не бақылаушы топты шақыру жолымен, не ынтымақтастық негiзiнде шаралар қолдану жолымен растауды қамтамасыз етедi".